2026 оны 08 дугаар сарын 24-25 ны өдрүүдэд БНХАУ-ын Бээжингийн газрын тосны их сургуулийн зочин профессорууд Yang Jin, Wei Chen нар 3 докторант оюутны хамт ГУУС-ийн Газрын тос, өрөмдлөгийн инженерчлэлийн тэнхимд хүрэлцэн ирж ажиллалаа.

2026 оны 08 дугаар сарын 24 -ны өдөр Бээжингийн газрын тосны зочин профессоруудтай хамтын ажиллагаа, төсөл судалгааны ажлын талаар харилцан ярилцаж Монголын геологи, эрдэс баялгийн музейг үзэн сонирхсон.

2026 оны 08 дугаар сарын 25 -ны өдөр Бээжингийн Газрын тосны их сургуулийн Газрын тос ба байгалийн хийн инженерчлэл мэргэжлийн 3 докторантын судалгааны ажлын хэлэлцүүлгийг хийсэн. Тус хэлэлцүүлэгт Газрын тос, өрөмдлөгийн инженерчлэлийн тэнхимийн эрхлэгч, дэд профессор М.Оюунтөгс, дэд профессор Д.Ундармаа, дэд профессор Б.Наранцэцэг нар оролцсон.

Докторантын судалгааны хэлэлцүүлэгт:

1. Газрын тос ба байгалийн хийн инженерчлэл мэргэжлийн докторант Li Pengbo “Өмнөд Хятадын тэнгисийн Вэньчан далайн бүсийн их алслалттай цооногийн өрөмдлөгийн хурдыг нэмэгдүүлэх гол хүчин зүйлсийн судалгаа” сэдвээр;
2. Газрын тос ба байгалийн хийн инженерчлэл мэргэжлийн докторант Ye Fulong “Гүний усан доорх цооногийн амсар болон гадаргын чиглүүлэгч хоолойн чичиргээний шинж чанар ба нөлөөлөх хүчин зүйлсийн судалгаа” сэдвээр;
3. Газрын тос ба байгалийн хийн инженерчлэл мэргэжлийн докторант Г.Жандаулет “Хэт хүйтэн орчны нөхцөлд нүүрсний давхаргын метан хийн цооногийн ханын тогтвортой байдал ба хэвтээ цооногийн өргөтгөлийн хязгаарын судалгаа” тус бүр сэдвүүдээр тус бүр 20 минут илтгэл тавьж сэдвүүдээ хэлэлцүүлсэн.