ШИНЖЛЭХ УХААН, ТЕХНОЛОГИЙН ИХ СУРГУУЛЬ

ГЕОЛОГИ, УУЛ УУРХАЙН СУРГУУЛИЙН НЭРЭМЖИТ “MUST ROBOCON-2025” СОРИЛГО ТЭМЦЭЭН АМЖИЛТТАЙ ЗОХИОН БАЙГУУЛАГДЛАА.

2025-04-21 19:06 binderya@must.edu.mn

Aзи номхон далайн бүсийн орнуудын оюутан залуусын дунд зохион байгуулагддаг “ABU Robocon” олон улсын роботын тэмцээн 24 дэхь жилдээ болж байна. Энэ удаагийн олон улсын тэмцээн Монгол улсын нийслэл Улаанбаатар хотод 2025 оны сарын 24-ны өдөр зохион байгуулагдана.

Тухайн улсын үндэсний аваргаар шалгарсан багууд олон улсын тэмцээнд оролцох эрхтэй болдог бөгөөд Монгол улс үндэсний аварга шалгаруулах тэмцээнээ 2025 оны 4 дүгээр сарын 24-ны өдөр зохион байгуулна.

Монгол улсын үндэсний аварга шалгаруулах тэмцээнд үндэсний 9 их дээд сургуулийн 13 баг роботын баг оролцохоор бэлтгэлээ хангаж байна. Уг тэмцээнд Шинжлэх ухаан, технологийн их сургуулийн бүрэлдэхүүн 4 сургуулийн 5 баг оролцох юм. ШУТИС-ийн Инновац, бизнес түншлэлийн албаны зүгээс өөрийн сургуулийн багуудаа чадавхжуулах, роботын найдварт ажиллагааг хангуулах арга хэмжээний хүрээнд 4 удаагийн сорилго тэмцээнийг зохион байгуулаад байна. 2025 оны 4 дүгээр сарын 17-ны өдөр Геологи, уул уурхайн сургуулийн нэрэмжит сорилго тэмцээнийг амжилттай зохион байгуулснаар сорилго тэмцээн өндөрлөж байна.

ГУУС-ийн сорилго тэмцээний нээлтэнд ШУТИС-ийн Эрдэм шинжилгээ, инновац эрхэлсэн проректор Д.Цолмонбаатар, Геологи, уул уурхайн сургуулийн захирал К.Хавалболот, Инновац, бизнес түншлэлийн албаны дарга М.Зулбаяр, Геологи, уул уурхайн сургуулийн Эрдэмтэн нарийн бичгийн дарга О.Мөнхцэцэг нар оролцож зохион бүтээгч оюутнуудад амжилт хүслээ.

Тэмцээн тойргийн тоглолтоор явагдаж МХТС-ийн “High Tech” баг 1-р байр, “Түвшин электроникс” баг 2-р байр, ШУТИС-ийн харьяа Технологийн коллежийн “Ган робот” баг 3-р байранд шалгарсан бол МИТС-ийн “BEMP”, ЭХИС-ийн “Эрчим” багууд тусгай байранд шалгарлаа.