Фрайберг хотын "Уул уурхайн Академи" техникийн их сургуулийн Хэлний сургалтын төвийн захирал хатагтай Катя Полански 2026 оны 5-р сарын 07-ны өдрийн 15.00 цагт ГУУС-ийн Уул уурхайн ашиглалтын технологийн 3-р дамжааны 15 оюутнаас герман хэлний шалгалтыг бичгээр авлаа. Тус өдрийн 17 цагаас Катя Полански багштай оюутнуудын герман хэлний сургалтын талаар элэн далангүй ярилцаж, санал солилцлоо. Энд Зөвлөх Профессор, доктор Д.Баяр, Уурхайн технологийн тэнхимийн эрхлэгч, доктор Б.Улаанбаатар, Уурхайн технологийн тэнхимийн хөтөлбөр хариуцсан дэд профессор, доктор Ц.Ариунжаргал, хөтөлбөрийн зохицуулагч Б. Тамир багш, зөвлөх багш А.Нямтулга нар оролцож, сургалтын цаашдын баримтлал, зохион байгуулалт, менежментийн талаар ярилцлаа.

Монгол оюутнуудын хувьд герман хэлний В1 түвшний мэдлэг чадварыг эзэмшсэн байх шаардлагатай бөгөөд В2 түвшний мэдлэгтэй очих талаар зөвлөлөө. Харин мэргэжлийн нэр томъёо бүхий С1 түвшний мэдлэгийг Фрайберг хотод олгоно.

Катя Полански багшийн зүгээс манай оюутнуудад герман хэлний шаардлагатай чадамжийг олгож, мэргэжлээрээ үргэлжлүүлэн сурахад нь гүн дэмжлэг туслалцаа үзүүлэн ажиллаж байна. Дашрамд хэлэхэд биднийг Германд очиход Фрайберг хотын захирагч Philipp Preißler хүлээн авч, хүндэтгэл үзүүлсэн билээ.