Олон улсын Ахмадын баярын (10-р сарын 1) болон Багш нарын баяр өдрийг  (10-р сарын 5)-ыг угтан Геологи, уул уурхайн сургуулийн Захирлын зөвлөлийн санаачлагаар “ГУУС-ийн Ахмадын төгөл” байгуулах, мод тарих үйл ажиллагааг амжилттай зохион байгууллаа. ГУУС-ийн төгөл нь зөвхөн мод тарих төдий бус.. 

• Түүхэн 65 жилийн турш сургуулиа хөгжүүлж ирсэн үе үеийн ахмадууддаа талархал илэрхийлж, хүндэтгэл үзүүлэх;
• Профессор багш, ажилчид, хамт олныхоо хөдөлмөрийг мөнхжүүлэх билэг тэмдэг болон үлдэхийн зэрэгцээ;
• Байгаль орчныг хамгаалах гэсэн 3 чухал зорилгыг нэгтгэн хийсэн утга учиртай үйл явдал байв.

Сургуулийн ахмад болон одоо үеийн төлөөлөл хамтдаа байгальд ээлтэй, ирээдүйд үр өгөөжөө өгөх төгөлөө байгуулж, мод тарьсан нь хамтын үнэ цэнийг илэрхийлсэн сайхан жишээ болж байна.

Ахмадын баяр нь НҮБ-ын санаачилгаар 1990 оноос эхлэн тэмдэглэгдэж ирсэн бөгөөд Монгол Улсад 1992 оноос албан ёсоор тэмдэглэгдэж эхэлсэн. Энэ өдөр нь ахмад үеийнхэнд хүндэтгэл үзүүлж, тэдний амьдралын туршлага, нийгэмд оруулсан үнэт хувь нэмрийг үнэлэх зорилготой.

Багш нарын баяр нь ЮНЕСКО 1994 онд Дэлхийн багш нарын өдрийг албан ёсоор зарласнаар 10-р сарын 5-нд тэмдэглэдэг болсон. Монгол Улс 2013 оноос эхлэн энэ өдрийг багш нарын баяр болгон тэмдэглэж байна. Багш нар бол нийгмийн суурийг тавигч, ирээдүйг чиглүүлэгч гол хүчин зүйл гэдгийг энэ өдөр онцлон тэмдэглэдэг.

Хүндэтгэл, ухаарал, байгальд хайртай сэтгэл—энэ бүхэн нэгэн үйлдэлд нэгдсэн нь “Ногоон төгөл” байлаа.

Энэхүү үйл ажиллагааг 2025-09-27-ны өдөр ГУУС-ийн ахмад багш ажилчидтайгаа ГУУС-ийн Захирлын зөвлөлийн гишүүд оролцон, Эрдэс боловсруулалт инженерчлэлийн тэнхимийн хамт олон зохион байгуулав.

ГУУС, ЭБИТ