Манай геологийн салбарынхан хамтран зохион байгуулагчдын нэгний хуваар бүхий л ажилд идэвхтэй оролцлоо.Чуулганаар шийдвэрлэх асуудлууд, шинэхэн ололт, нээлт, амжилтын дүнгээс болон сургалт, семинар, явган аялал, оргил булаалдах тэмцээн зэрэг олон төрлөөр явагдлаа. Сайд Ц.Туваан, УИХ-ын гишүүн Б.Уянга, Франц зэрэг гадаадын эрдэмтэн, судлаачид илтгэл мэдээлэл хийв. 

     “Голден хилл” ХХК нэрэмжит геологийн оюутны эрдэм шинжилгээний бага хуралд:

1. Геологийн оюутан Г.Есөн-Эрдэнэ, С.Төрболд нар “Байдрагийн бүсийн Цахир-Уул орчим тархалттай хувирмал чулуулгийн петорологи ба зөөгдмөл цирконы U/Pb изотопын судалгаа” сэдвээр тэргүүн байр,  

2. Ч.Анхбаяр, Г.Ариунцэцэг нар “Жанчивлан бүрдлийн гранитоидын цирконы геохими” сэдвээр хоёрдугаар байр, 

3. О.Ижилмөрөн, Ж.Ундаръяа нар “Өмнөд Монголын эх газрын цэнгэг усны остракод ба биостратиграфи” сэдвээр дөрөвдүгээр байруудыг эзэллээ.

        Оргил булаалдах тэмцээн Баянзүрх хайрханд болж манай сургуулийн геологи, геофизикийн оюутнууд эхний 3 байр эзэлж алт, мөнгө, хүрэл медаль хүртэв. Профессор Ж.Ган-Очир ахлагчтай баг тэргүүлэв. 

ГУУС, проф Д.Чулуун