Монгол Улсын Ерөнхийлөгч Ухнаагийн Хүрэлсүх ШУТИС болон МУИС-ийн багш, ажилтнуудтай уулзах үеэр Шинжлэх ухаан, технологийн их сургуулийн нэр бүхий багш, эрдэмтдийг төрийн дээд цол, одон, медалиар шагналаа.

Гавьяат багш цолоор:

1. Ахмадын зөвлөлийн дарга, Уул уурхайн хүрээлэнгийн эрдэмтэн нарийн бичгийн дарга, Төрийн шагналт, доктор, профессор Л.Пүрэв
2. Дулааны техник, үйлдвэрлэлийн экологийн хүрээлэнгийн эрдэмтэн нарийн бичгийн дарга, шинжлэх ухааны доктор, профессор Ж.Цэен-Ойдов
3. Үйлдвэрлэлийн технологийн сургуулийн “Шима сейки” сургалтын төвийн захирал, академич Д.Энхтуяа

Хөдөлмөрийн гавьяаны Улаан тугийн одонгоор:

1. Хэрэглээний шинжлэх ухааны сургуулийн Математикийн тэнхимийн ахмад багш, хүндэт профессор Д.Дарьсүрэн
2. Менежментийн сургуулийн ахмад багш, доктор, профессор С.Байгалтөгс
3. Барилга, архитектурын сургуулийн ахмад багш, доктор, профессор Д.Сүнжидмаа
4. Гадаад хэлний сургуулийн ахмад багш, доктор, профессор Т.Батбаяр
5. Нийгэм, хүмүүнлэгийн сургуулийн Түүх, соёл, аялал жуулчлалын тэнхимийн ахлах багш, түүхийн ухааны доктор М.Жавзансүрэн

Алтангадас одонгоор:

1. Мэдээлэл, холбооны технологийн сургуулийн Мэдээллийн технологийн тэнхимийн эрхлэгч, доктор, дэд профессор А.Алтангэрэл

Хөдөлмөрийн хүндэт медалиар:

1. Хэрэглээний шинжлэх ухааны сургуулийн захирал, доктор, дэд профессор, зөвлөх инженер Б.Тунгалагтамир
2. Механик инженер, тээврийн сургуулийн Механик инженерчлэлийн тэнхимийн профессор, доктор Х.Батбаяр

Эдгээр эрхэм багш, эрдэмтэд нь боловсрол, шинжлэх ухаан, судалгаа, инновацын салбарт олон жилийн хөдөлмөр, үнэтэй хувь нэмрээ оруулсан гавьяаг нь үнэлэн ийнхүү төрийн дээд шагналаар шагнагдсан юм.

Шагнагдсан нийт багш, ажилтнууддаа халуун баяр хүргэж, эрдэм судлалын ажил үйлсэд нь улам их амжилт хүсье!